Makronun nüvə raketi mesajı: “Bu, güclü və aydın siqnaldır”

Fransa Prezidenti Emmanuel Makron M51.3 strateji ballistik raketinin dənizdən həyata keçirilən sınaq buraxılışını güclü mesaj kimi qiymətləndirib.

Army.az xəbər verir ki, Makron bu barədə “X” sosial şəbəkəsində paylaşım edib.

“Düşünürəm ki, bu, hər yerə çatmış güclü və aydın siqnaldır”, – deyə Fransa lideri bildirib.

Makron sınaqları “Auvergne” (“Overn”) çoxməqsədli freqatından izlədiyini də qeyd edib.

Fransa Prezidenti həmçinin daha əvvəl səsləndirdiyi “azad olmaq üçün qorxu yaratmaq lazımdır” fikrini təkrarlayıb və M51.3 raketinin sınağını uğurlu adlandırıb.