Yunanıstanda təyyarə qəzası: İki pilot həlak oldu

Yunanıstanın şimal-şərqində yerləşən Pieriya vilayətində yüngül mühərrikli təyyarənin qəzaya uğraması nəticəsində iki təyyarəçi həyatını itirib.

Army.az xəbər verir ki, bu barədə “ERT-News” telekanalı məlumat yayıb.

Təyyarə Pieriya aeroklubunun uçuş-enmə zolağının yaxınlığında aşkarlanıb. Qəza zamanı yanğın baş verməyib.

Hadisə yerinə gələn yanğın-xilasetmə xidmətinin səkkiz əməkdaşı təyyarənin yaxınlığında iki pilotun meyitini tapıb.

Qəzanın səbəbləri araşdırılır.