Avstraliya Ukrayna Silahlı Qüvvələrinin hərbçilərinin hazırlanmasını Polşa ərazisində həyata keçirəcək.
Army.az xəbər verir ki, bu barədə Avstraliya Müdafiə Naziri Richard Marles məlumat verib.
Nazirin bildirdiyinə görə, 2026-cı ilin ortalarından etibarən Avstraliya Müdafiə Qüvvələri Norveç tərəfindən rəhbərlik edilən çoxmillətli “Legio” əməliyyatı çərçivəsində Ukrayna hərbi personalının təlimində iştirak edəcək.
Qeyd olunur ki, Avstraliya bundan əvvəl də “Kudu” əməliyyatı çərçivəsində Ukraynaya dəstək göstərib və Ukrayna hərbçiləri hazırda Böyük Britaniya ərazisində də təlim keçirlər.
Yeni təşəbbüsün əsas məqsədinin təlimlərin Ukraynaya daha yaxın bölgədə keçirilməsi və əməliyyat ehtiyaclarına daha uyğun hazırlığın təmin edilməsi olduğu bildirilir.
