Ukrayna və İtaliya CAMM-ER raketlərinin birgə istehsalını müzakirə edir

Ukrayna İtaliya ilə CAMM-ER zenit raketlərinin ölkə daxilində istehsalının lokallaşdırılması imkanları ətrafında danışıqlar aparır.

Army.az xəbər verir ki, bu barədə “La Repubblica” qəzeti Roma Prokurorluğunun Rusiya kəşfiyyatının mümkün casusluq fəaliyyəti ilə bağlı araşdırma materiallarına istinadən məlumat yayıb.

Məlumata əsasən, Rusiya xüsusi xidmət orqanlarının İtaliyanın təhlükəsizlik strukturlarının sabiq əməkdaşlarından birinin vasitəsilə sözügedən müdafiə layihəsi və raket sistemlərinin inteqrasiyası planları barədə məxfi məlumat əldə etməyə cəhd göstərdiyi iddia olunur.