ABŞ ordusu İran dizaynlı “Şahed-136”-a bənzər uzun mənzilli kamikadze dronun ilk dəfə döyüşdə istifadə edildiyini açıqlayıb.
Army.az xəbər verir ki, bu barədə “The War Zone” məlumat yayıb.
Bildirilir ki, “Low-Cost Uncrewed Combat Attack System (LUCAS)” adlanan yeni sistem “Operation Epic Fury” əməliyyatı zamanı sınaqdan keçirilib və ABŞ Mərkəzi Komandanlığı (CENTCOM) tərəfindən “çox effektiv və əvəzolunmaz” kimi qiymətləndirilib.
Rəsmilər bildirir ki, LUCAS layihəsi əvvəlcə Ukraynada və Yaxın Şərqdə istifadə olunan ucuz kamikadze dronların effektivliyindən sonra gündəmə gəlib və son illərdə ABŞ Müdafiə Nazirliyində inkişaf etdirilib.
Məlumatlarda qeyd olunur ki, bu tip silahların gələcəkdə xüsusilə Çinlə mümkün hərbi ssenarilərdə geniş istifadə oluna biləcəyi müzakirə edilir.
