77
İsrailin Baş naziri Benyamin Netanyahu artan ABŞ–İran gərginliyi fonunda Təhlükəsizlik Kabinetinin təcili iclasını çağırıb.
Army.az xəbər verir ki, bu barədə Ynet nəşri məlumat yayıb.
Bildirilib ki, Netanyahu və müdafiə naziri İsrael Kats Milli Təhlükəsizlik Kollecinin məzun buraxılışı mərasimində iştiraklarını ləğv edərək təhlükəsizlik məsələləri ilə bağlı fövqəladə müşavirəyə qatılıblar.
Mənbələrin bildirdiyinə görə, Donald Trampın İrana qarşı mümkün hərbi əməliyyatlarla bağlı açıqlamaları və Tehranın cavab hədələri müzakirələrin əsas mövzularından biridir.
