Trampın hərbi səlahiyyətləri yenidən müzakirəyə çıxarıla bilər – KİV

İranla əldə olunan atəşkəsin pozulması ABŞ Prezidenti Donald Trampın hərbi səlahiyyətlərinin məhdudlaşdırılması təşəbbüsünə Respublikaçılar Partiyası daxilində dəstəyin artmasına səbəb ola bilər.

Army.az xəbər verir ki, bu barədə The Hill nəşri yazıb.

Məqalədə qeyd olunur ki, bəzi respublikaçı senatorlar daha əvvəl ABŞ və İran arasında atəşkəs elan edildiyi üçün müharibənin dayandırılmasına dair qətnamələrin əleyhinə səs verdiklərini bildirmişdilər. Lakin atəşkəsin pozulacağı təqdirdə onların mövqeyinin dəyişə biləcəyi istisna edilmir.

Nəşrin məlumatına görə, Senatda Respublikaçılar Partiyası daxilində yeni müdafiə büdcəsi ilə bağlı fikir ayrılıqları yarana biləcəyindən narahatlıq var.