29
Polşada ABŞ-a məxsus hərbi bazanın yaradılması ilə bağlı layihə reallaşarsa, obyektə “Fort-Tramp” adı verilə bilər.
Army.az xəbər verir ki, Polşa Prezidenti Karol Navrotski “Bloomberg”ə müsahibəsində bu barədə danışıb.
Onun sözlərinə görə, ABŞ administrasiyası ilə yanaşı, hər iki ölkənin hökumətləri bazanın yaradılması ilə bağlı bütün prosedurları yekunlaşdırdıqdan sonra ABŞ Prezidenti Donald Trampın açılış mərasimində iştirak etməsi mümkün olacaq.
Navrotski layihənin nə vaxt təsdiqlənə biləcəyi ilə bağlı konkret tarix açıqlamayıb. O bildirib ki, hazırda məsələnin həlli üçün bir sıra inzibati və maliyyə prosedurlarının tamamlanması tələb olunur.
