“Gözləyin və görün” – Tramp İrana qarşı yeni zərbələrdən danışdı

ABŞ Prezidenti Donald Tramp Alyaskada seçki kampaniyası zamanı İrana qarşı yeni zərbələr endirilə biləcəyinə dair xəbərdarlıq edib. O, Vaşinqtonun Tehranın nüvə silahı əldə etməsinə imkan verməyəcəyini bildirib.

Army.az xəbər verir ki, Tramp çıxışı zamanı İranla bağlı sərt bəyanatlar səsləndirib.

“Gözləyin və görün, İrana nə edəcəyik. Onlara ciddi problemlər yaradacağıq”, – deyə ABŞ lideri vurğulayıb.

Tramp İranla müharibə nəticəsində neft qiymətlərinin artmasını Tehranın nüvə silahı əldə etməsinin qarşısını almaq üçün ödənilən kiçik bir bədəl kimi qiymətləndirib.

O əlavə edib ki, İranın nüvə silahına sahib olması ölkə üçün daha böyük təhlükələrə səbəb ola bilər.