22
İsrail İranla hərbi əməliyyatları yenidən başlatmağa hazır vəziyyətdədir və Livanla aparılan danışıqlarla yanaşı “Hizbullah”a qarşı fəaliyyətlərini davam etdirir.
Army.az xəbər verir ki, bu barədə İsrail Baş naziri Benyamin Netanyahu məlumat yayıb.
Netanyahu bildirib ki, ABŞ və digər müttəfiqlər İranla keçirilən danışıqlar barədə İsraili mütəmadi şəkildə məlumatlandırır. Onun sözlərinə görə, Vaşinqtonla Təl-Əvivin əsas məqsədləri üst-üstə düşür:
“Tərəflər İranın zənginləşdirilmiş uran ehtiyatlarının ölkədən çıxarılmasını, həmçinin ölkə daxilində bu istiqamətdə fəaliyyət göstərən obyektlərin ləğvini istəyir. Bundan əlavə, əsas dəniz nəqliyyatı marşrutlarının yenidən açılması da prioritetlər sırasındadır”.
