Qahirədə tarixi və dönüş nöqtəsi hesab olunan bir görüş baş tutub.
Army.az xəbər verir ki, bu barədə “CNN” məlumat yayıb.
Bildirilir ki, ABŞ-ın yüksək səviyyəli nümayəndələri və HƏMAS hərəkatının nümayəndə heyəti Qəzza zolağında elan edilən atəşkəsdən sonra ilk birbaşa danışıqları aparıblar.
HƏMAS mənbələrinə əsasən, çərşənbə axşamı gecəsi keçirilən görüşdə ABŞ-ın yüksək müşaviri Arye Laytsstoun, HƏMAS-ın baş danışıqlarçısı Xəlil əl-Hayya və Qəzza məsələləri üzrə xüsusi nümayəndə Nikolay Mladenov iştirak edib.
Danışıqların əsas mövzusu oktyabr ayında əldə edilən kövrək razılaşmanın icrası olub. Xəlil əl-Hayya ABŞ tərəfinə İsrailin öhdəliklərinə tam əməl etməsinin vacibliyini, xüsusilə hücumların dayandırılması və humanitar yardımın artırılmasını çatdırıb.
