24
Yeni sanksiya paketi silah istehsalçılarını birbaşa deyil, onların təchizat zəncirində yer alan şirkətləri hədəf alır. Bu şirkətlər olmadan raketlərin yığılması və istehsalı mümkün deyil.
Army.az xəbər verir ki, bu barədə Ukrayna mediası məlumat yayıb.
Bildirilib ki, sanksiya siyahısına daxil edilən müəssisələr üç əsas hərbi zavodla əlaqəli təchizatçılardır: S-300 və S-400 sistemlərinin istehsalçısı “Avangard”, Perm barıt zavodu və Votkinsk zavodu.
Rəsmilərin açıqlamasına əsasən, bu addım Rusiyanın raket istehsal zəncirini zəiflətməyə yönəlib və əsas məqsəd kritik komponentlərin təminatını məhdudlaşdırmaqdır.
