Krım və bir neçə vilayət hədəfdə – Rusiyadan PUA açıqlaması

Mayın 31-dən iyunun 1-nə keçən gecə Rusiyanın müxtəlif bölgələri Ukraynaya məxsus pilotsuz uçuş aparatlarının (PUA) hücumuna məruz qalıb.

Army.az xəbər verir ki, bu barədə Rusiya Müdafiə Nazirliyi məlumat yayıb.

Bildirilib ki, hava hücumundan müdafiə sistemləri ölkənin bir sıra bölgələri üzərində onlarla pilotsuz aparatı məhv edib:

“Kütləvi hücum əsasən Həştərxan, Volqoqrad, Voronej və Rostov vilayətləri, eləcə də Krım istiqamətində qeydə alınıb. Bundan əlavə, Ukrayna Silahlı Qüvvələrinə məxsus PUA-ların bir hissəsinin Qara dəniz akvatoriyası üzərində vurulduğu qeyd olunub.

Məhv edilən bütün pilotsuz uçuş aparatları təyyarə tipli olub. Hadə nəticəsində mümkün dağıntılar və ya zərərçəkənlərlə bağlı məlumat açıqlanmayıb”.