39
Yunanıstan Egey dənizində kəşfiyyat, müşahidə və situasiya məlumatlılığını gücləndirmək məqsədilə ABŞ-nin Shield AI tərəfindən istehsal edilən V-BAT pilotsuz uçuş aparatlarının əlavə partiyasını sifariş edib.
Army.az xəbər verir ki, şirkətin yaydığı açıqlamaya əsasən, yeni müqavilə Yunanıstan ordusunun mövcud V-BAT sistemlərinin genişləndirilməsini nəzərdə tutur.
Razılaşmanın əsas məqsədinin Egey dənizində fasiləsiz müşahidə imkanlarının yaradılması və dəniz məkanında nəzarətin daha da gücləndirilməsi olduğu bildirilir.
Qeyd olunur ki, yeni dron partiyası yüzlərlə adadan ibarət arxipelaq, uzun sahil xətti və intensiv gəmiçilik hərəkəti ilə seçilən Egey bölgəsində əməliyyatların effektivliyini artıracaq.
