Yaponiya təkrar istifadə edilə bilən raket texnologiyasında yeni mərhələyə qədəm qoyub

Yaponiya Aerokosmik Tədqiqatlar Agentliyi (JAXA) təkrar istifadə oluna bilən raket prototipinin ilk sınaq uçuşunu və enişini uğurla reallaşdırıb.

Army.az xəbər verir ki, bu barədə AFP agentliyi məlumat yayıb.

Məlumata əsasən, sınaq kosmik buraxılışların maya dəyərinin azaldılmasına yönəlmiş texnologiyaların inkişafı baxımından mühüm nailiyyət kimi qiymətləndirilir.

Qeyd olunur ki, bu istiqamət hazırda dünyanın aparıcı kosmik şirkətlərinin əsas inkişaf sahələrindən biridir.Sınaq uçuşu Akita prefekturasının Nosiro şəhərində yerləşən JAXA poliqonunda həyata keçirilib.

Prototip raket təxminən 10 metr yüksəklik qazandıqdan sonra təhlükəsiz şəkildə yerə enib. Uçuşun ümumi müddəti isə 40 saniyəyə yaxın olub.