68
Ukrayna Silahlı Qüvvələri üçün nəzərdə tutulan yanacaq-sürtkü materiallarının saxlandığı çənlər Odessa vilayətinin Çernomorsk limanında vurulub.
Army.az xəbər verir ki, bu barədə Rusiya Müdafiə Nazirliyi məlumat verib.
Nazirlik bildirib ki, avqustun 18-19-da həyata keçirilən əməliyyatlar zamanı Qara dənizin Odessa şəhərinin cənub-şərqində yerləşən hissəsində hərbi təyinatlı yük daşıdığı bildirilən quru yük gəmisi də hədəfə alınıb.
Rusiya tərəfi sözügedən obyektlərin Ukrayna ordusunun təchizatı üçün istifadə edildiyini iddia edir.
Xatırladaq ki, avqustun 17-də Odessa limanına endirilən zərbə nəticəsində Ukrayna ordusu üçün silah-sursat gətirdiyi bildirilən digər quru yük gəmisi də vurulmuşdu.
