180
Türkiyə Müdafiə Nazirliyi İsrailin Suriyada yerləşən Əbu-Zuhur bazasına zərbəsi zamanı həmin ərazidə türk hərbçilərinin olmadığını açıqlayıb.
Army.az xəbər verir ki, bu barədə Türkiyə mediası məlumat yayıb.
Nazirliyin məlumatında İsrailin Suriyada və regionda sülh və sabitliyə zərər vuran “ehtiyatsız hücumlara” son qoymasının və beynəlxalq hüququn tələblərinə əməl etməsinin vacib olduğu vurğulanıb.
Qeyd edək ki, bundan əvvəl Əbu-Zuhur bazasında 200-ə yaxın türk hərbçisinin yerləşdirilə biləcəyi barədə məlumat yayılmışdı.
