Azərbaycan regionun xəritəsini dəyişir? Ermənistandan diqqətçəkən açıqlama

“Cənubi Qafqazda yeni nəqliyyat-logistika arxitekturası formalaşır və regionun gələcək marşrutları uğrunda böyük güc mərkəzləri arasında rəqabət gedir”.

Army.az xəbər verir ki, bunu erməni iqtisadçı Aşot Yenqoyan deyib.

Onun sözlərinə görə, Azərbaycan bu prosesdə əsas regional oyunçulardan birinə çevrilir:

“Çin, ABŞ, Rusiya və Avropa İttifaqının regionun nəqliyyat infrastrukturu ilə bağlı fərqli maraqları var. “Tramp marşrutu” kimi tanınan TRIPP layihəsi də əsas oyunçuların maraqlarına uyğundur və onun reallaşması üçün ABŞ Çin və Rusiya ilə də danışıqlar aparmalıdır”.