İran Prezidenti Məsud Pezeşkian Tehranla əldə olunmuş çərçivə razılaşmasına uyğun olaraq, Hörmüz boğazından gəmilərin keçidi ilə bağlı müəyyən edilmiş şərtlərə əməl etməyə hazır olduqlarını bildirib.
Army.az xəbər verir ki, Pezeşkian bu barədə CBS News-a müsahibəsində danışıb.
İran liderinin sözlərinə görə, gəmiçilik marşrutları ilə bağlı yaranan fikir ayrılıqları ilkin mərhələdə danışıqlar yolu ilə həll edilə bilərdi. Lakin onun sözlərinə görə, bunun əvəzinə proses əldə olunmuş razılaşmanın pozulması ilə nəticələnib.
Pezeşkian bildirib ki, Hörmüz boğazından keçid üçün marşrutlar İran və Oman arasında qarşılıqlı koordinasiya əsasında müəyyənləşdirilməli idi. Onun sözlərinə görə, hər hansı gəmi müəyyən edilmiş marşrutlardan kənara çıxmaq istəsəydi, bunun üçün əvvəlcədən hər iki ölkə ilə razılaşdırma aparılmalı idi.
