48
ABŞ dövlət katibi Marko Rubio Beynəlxalq Cinayət Məhkəməsini (BCM) Vaşinqtonun suverenliyinə təhlükə yaratmaqda ittiham edib.
Army.az xəbər verir ki, bu barədə Rubio iyulun 13-də X sosial şəbəkəsində paylaşım edib.
O bildirib ki, BCM ABŞ vətəndaşlarını öz qərarına əsasən təqib və həbs etmək səlahiyyətinə malik, heç kimə hesabat verməyən bir quruma çevrilməyə çalışır.
Rubionun sözlərinə görə, bu cür fəaliyyət ABŞ-nin suverenliyinə ciddi təhlükə yaradır.
Dövlət katibi əlavə edib ki, Vaşinqton Beynəlxalq Cinayət Məhkəməsinə “Amerikanın qətiyyətinin nə olduğunu” göstərəcək.
