Şahzadə Harrinin Britaniyaya gözlənilməz şəkildə qayıtmasının arxasında Kral III Çarlzın istəyi dayanıb.
Army.az xəbər verir ki, bu barədə “The Daily Beast” nəşri məlumat yayıb.
Nəşrə danışan kral ailəsinə yaxın mənbə bildirib ki, qeyri-rəsmi söhbətlər zamanı Harrinin ölkəyə geri dönməsi üçün ona müxtəlif formada çağırışlar edilib:
“Bu addım III Çarlzın kral ailəsinin gələcəyini nəzərə alaraq qəbul etdiyi strateji qərar olub.
İddialara əsasən, Harrinin daha əvvəl Britaniyaya qayıtmamasının əsas səbəblərindən biri onun məhkəmə prosesləri olub. Şahzadə ölkəyə dönüşündən qısa müddət əvvəl “Daily Beast”in naşiri ilə bağlı məhkəmə çəkişməsində məğlub olub. Onun dövlət hesabına təhlükəsizlik xidmətinin bərpa edilməsi istiqamətində hüquqi cəhdləri də nəticəsiz qalıb.
III Çarlz üçün əsas prioritet taxtın varisi olan Şahzadə Uilyam və monarxiyanın gələcəyidir”.
