Ukrayna Prezidenti Volodimir Zelenski oktyabrın 1-də cəbhə bölgəsinə səfər edib və buradan video müraciət yayımlayıb.
Army.az xəbər verir ki, Zelenski görüntülərdə Ukrayna Silahlı Qüvvələrinin hərbçilərinə və ölkə ictimaiyyətinə müraciət edib.
Videoda ərazinin meşəlik olduğu, müxtəlif sığınacaqların və pilotsuz uçuş aparatlarından qorunmaq üçün qurulan torların yerləşdiyi görünür.
Qeyd edək ki, Zelenskinin cəbhə bölgəsinə əvvəlki səfəri avqustun sonunda baş tutub. Həmin vaxt Ukrayna Prezidenti Silahlı Qüvvələrin yeni baş komandanı Mixail Drapatı ilə birlikdə Aleksandrovsk istiqamətinə gedib.
