Müctəba Xamenei niyə görünmür?

İranın yeni ali rəhbəri Müctəba Xameneinin ictimaiyyət qarşısında görünməməsi onun liderlik statusu ilə bağlı suallar doğurur.

Army.az xəbər verir ki, bu barədə iranlı jurnalist Əli Şirazi açıqlama verib.

Jurnalistin sözlərinə görə, İran rəsmilərinin Xameneinin görüntülərinin, səs yazılarının, hətta əl yazısı nümunələrinin belə ictimaiyyətə təqdim edilməməsinə dair izahları onun rəhbərliyi və səlahiyyətləri barədə səsləndirilən fikirlərlə uzlaşmır.

Şirazi qeyd edib ki, Müctəba Xamenei öz istəyi ilə belə xalq qarşısına çıxa bilmirsə, onun ictimaiyyətlə təmaslarına və görünməsinə kimin, yaxud hansı qurumların nəzarət etdiyi sualı gündəmə gəlir.