41
Rusiya Xarici İşlər Nazirliyinin rəsmi nümayəndəsi Mariya Zaxarova Fransanın “ölkələr arasında mübadilələrin əhəmiyyəti” ilə bağlı bəyanatlarını ikiüzlü adlandırıb.
Army.az xəbər verir ki, onun açıqlaması nazirliyin rəsmi saytında dərc olunub.
Zaxarova bildirib ki, Fransa diplomatik nümayəndələrinin “ölkələrimiz arasında mübadilələrə böyük əhəmiyyət verilməsi” barədə sözləri, Rusiya ilə biznes, elm-təhsil və humanitar əlaqələri demək olar ki, tam dayandırmış bir dövlət tərəfindən deyilir. Onun sözlərinə görə, Fransa bir çox şirkəti Rusiyadakı investisiya layihələrini bağlamağa məcbur edib.
