28
ABŞ ordusu Polşaya planlaşdırılan 2-ci zirehli briqada döyüş qrupunun yerləşdirilməsini qəfil şəkildə dayandırıb.
Army.az xəbər verir ki, bu barədə “Defense News” məlumat yayıb.
Bildirilir ki, söhbət “1st Cavalry Division” tərkibinə daxil olan və 4000-dən çox hərbçidən ibarət qüvvədən gedir.
Rəsmi qurumlar qərarla bağlı açıq izahat verməyiblər. Lakin bəzi mənbələr bu addımın ABŞ ordusunda hazırkı əməliyyatlar və yerləşdirmələrlə bağlı büdcə çatışmazlığı ilə əlaqəli ola biləcəyini bildirir.
Briqada artıq hazırlıq mərhələsinə keçmiş, şəxsi heyətin və texnikanın bir hissəsi isə hərəkətə başlamışdı.
