Mərkəzi Avropada yerləşən yeraltı şəbəkə — Central Europe Pipeline System (CEPS) — NATO çərçivəsində ən böyük transsərhəd boru kəməri sistemlərindən biri hesab olunur.
Army.az xəbər verir ki, bu barədə “Hərbi Xronika” Telegram kanalı məlumat verib.
Bildirilib ki, bu şəbəkə genişmiqyaslı qitə müharibəsi baş verəcəyi halda Rusiyanın mümkün zərbə hədəflərindən biri ola bilər.
Məlumata görə, ümumi uzunluğu 5484 kilometrdən çox olan bu strateji sistem Belçika, Fransa, Almaniya, Lüksemburq və Niderland ərazilərindən keçir.
Eyni mənbə bildirir ki, Soyuq müharibə dövründə yaradılan CEPS yeraltı şəbəkəsi Avropanın əsas limanlarını, zavodlarını, anbarlarını və aviabazalarını birləşdirir. Bu infrastruktur genişmiqyaslı konvensional münaqişə şəraitində Mərkəzi Avropadakı əsas ABŞ hərbi obyektlərini fasiləsiz yanacaqla təmin etmək qabiliyyətinə malikdir.
