28
ABŞ-ın müdafiə naziri Pit Heqset əvvəlki Co Bayden administrasiyasını Pentaqonun maliyyələşdirilməsinə yetərincə diqqət ayırmamaqda və Ukraynaya göndərilən silahların ehtiyatını vaxtında bərpa etməməkdə ittiham edib.
Army.az xəbər verir ki, Heqset bu fikirləri ABŞ Konqresinin Senatının Təxsisatlar Komitəsində keçirilən dinləmələr zamanı səsləndirib.
Onun sözlərinə görə, Bayden administrasiyası dövründə Müdafiə Nazirliyi dörd il ərzində maliyyə çatışmazlığı ilə fəaliyyət göstərib.
“Co Bayden administrasiyası üçün Müdafiə Nazirliyinin maliyyələşdirilməsi prioritet istiqamətlərdən biri deyildi”, – deyə ABŞ müdafiə naziri vurğulayıb.
