Rusiyanın uzaqmənzilli radiolokasiya aşkarlama və idarəetmə təyyarələri — A-50U-lar Ukrayna Silahlı Qüvvələrinin pilotsuz uçuş aparatlarına qarşı mübarizədə daha intensiv şəkildə istifadə olunmağa başlayıb.
Army.az xəbər verir ki, bu barədə “Voyennaya Xronika” Telegram kanalı məlumat yayıb.
A-50U təyyarələrinin dronlarla mübarizədə rolu diqqət çəkib:
“Bu təyyarələrdən istifadənin artırılmasının əsas məqsədi radarların əhatə dairəsini genişləndirmək və daha çox PUA-nı vaxtında aşkar etməkdir. Görünür, radioüfüqü yüksəltmək və bununla daha çox pilotsuz uçuş aparatı aşkarlamaq ideyası nəhayət üstün gəlib”.
A-50 aviasiya kompleksi “Şmel” radiotexniki sistemi və İl-76 hərbi-nəqliyyat təyyarəsi əsasında yaradılıb. Bu “uçan radar”ın düşmən bombardmançı təyyarəsini 600 kilometrdən artıq məsafədən aşkarlaya bildiyi bildirilir.
