İran atəşkəs danışıqlarına inanmır: “Yeni döyüşlərə hazırlaşırlar”

İran ABŞ və İsrailin atəşkəs istiqamətində atdığı addımların əsas məqsədinin bölgədəki gərginliyi müvəqqəti azaltmaq və mümkün yeni qarşıdurmaya hazırlaşmaq olduğunu düşünür.

Army.az xəbər verir ki, bu barədə “The Wall Street Journal” məlumat yayıb.

Nəşr yazır ki, Tehran aparılan danışıqları münaqişədə uzunmüddətli sülhə aparan prosesdən daha çox, növbəti döyüşlər öncəsi verilmiş fasilə kimi qiymətləndirir.

İran tərəfinin mövqeyinə görə, tərəflər arasında mövcud olan ciddi etimadsızlıq davamlı və dayanıqlı atəşkəs razılaşmasının əldə olunmasını çətinləşdirir.