Rusiyada “Qarpiya-A1” pilotsuz uçuş aparatlarının seriya istehsalına start verilib.
Army.az xəbər verir ki, istehsal Rusiya Aerokosmik Müdafiə Konserni “Almaz-Antey”in müəssisələrində həyata keçirilir.
Bu barədə “Rostex”lə bağlı sənaye strukturlarının nümayəndəsi və “Rosoboroneksport”un baş direktoru Aleksandr Mixeyev açıqlama verib.
Mixeyev bildirib ki, “Almaz-Antey” artıq xarici sifarişçilərlə bağlanan müqavilələri rəqabətqabiliyyətli müddətlərdə yerinə yetirməyə imkan verən istehsal səviyyəsinə çatıb. Onun sözlərinə görə, bu proses ölkənin müdafiə qabiliyyətinə xələl gətirmədən həyata keçirilir.
“Qarpiya-A1” Rusiyanın uzaqmənzilli hücum PUA-larından biri kimi təqdim olunur. Daha əvvəl bu tip dronların Rusiyanın Afrikadakı hərbi kontingenti tərəfindən Malidə istifadə edildiyi barədə məlumatlar yayılmışdı.
