Bəqai: MAQATE rəhbərinin nüvə obyektlərinə giriş tələbi qəbul olunmayacaq

İran Atom Enerjisi üzrə Beynəlxalq Agentliyin (MAQATE) nümayəndələrinin ölkənin nüvə obyektlərinə çıxışına icazə verməyəcəyini açıqlayıb.

Army.az xəbər verir ki, bu barədə İran Xarici İşlər Nazirliyinin sözçüsü İsmayıl Bəqai iyulun 13-də Tehranda keçirdiyi mətbuat konfransında danışıb.

Bəqainin sözlərinə görə, İran MAQATE-nin baş direktoru Rafael Qrossinin ölkənin nüvə obyektlərinə girişlə bağlı müraciətini qəbul etməyəcək. O bildirib ki, Tehran bu məsələdə əvvəlki mövqeyini dəyişməyib.