İran Pakistan rəhbərliyinə xüsusi mesaj göndərir

İranın daxili işlər naziri İsgəndər Momeni Pakistan səfəri zamanı Prezident Məsud Pezeşkianın ölkə rəhbərliyinə ünvanladığı xüsusi mesajı təqdim edəcək.

Army.az xəbər verir ki, bu barədə “Əl Cəzirə” telekanalı məlumat yayıb.

Məlumata əsasən, İslamabadda keçiriləcək yüksək səviyyəli görüşlərdə regionda yaranmış son vəziyyət və qarşılıqlı maraq doğuran məsələlər ətrafında fikir mübadiləsi aparılacaq.

Bildirilib ki, səfərin əsas məqsədlərindən biri Tehran və İslamabad arasında regional təhlükəsizlik və əməkdaşlıq məsələlərinin müzakirəsi olacaq.