İtaliya Airbus “Defence and Space” ilə A330 MRTT (“Multi Role Tanker Transport”) tipli tanker-nəqliyyat təyyarələrinin tədarükünə dair 1,39 milyard avro dəyərində müqavilə imzalayıb.
Army.az xəbər verir ki, bu barədə xarici KİV məlumat yayıb.
Bildirilib ki, Avropa İttifaqınin onlayn tədarük platformasında açıqlanan razılaşma 6 ədəd təyyarənin təhvil verilməsini və təxminən 10 illik inteqrə olunmuş logistika dəstəyini əhatə edir.
Yeni proqram Boeing KC-767 modelinin mərhələli şəkildə əvəzlənməsini nəzərdə tutur. Bu təyyarələr İtaliya Hərbi Hava Qüvvələrində 2011-ci ildən etibarən istifadə olunur.
İtaliya müdafiə tədarük qurumunun sənədlərində bu layihə ölkənin kritik hərbi modernizasiya proqramları sırasında göstərilir və onun uzunmüddətli strateji əhəmiyyət daşıdığı qeyd olunur.
