ABŞ Senatının Silahlı Qüvvələr Komitəsi hesab edir ki, ölkənin Hərbi Hava Qüvvələri hazırda genişmiqyaslı münaqişə zamanı döyüş-xilasetmə (CSAR) əməliyyatlarını lazımi səviyyədə dəstəkləmək iqtidarında deyil.
Army.az xəbər verir ki, bu barədə “The War Zone” məlumat yayıb.
Qanunvericilər HH-60W “Jolly Green II” helikopterlərinin alış həcminin azaldılması və bu helikopterlərdən 26-nın döyüş-xilasetmə bölmələrindən çıxarılaraq Vaşinqton Hərbi Hava Qüvvələri dairəsinin (AFDW) istifadəsinə verilməsi ilə bağlı narahatlıqlarını ifadə ediblər.
Komitə vurğulayıb ki, HH-60W helikopterləri bu ilin əvvəlində İranda vurulan F-15E “Strike Eagle” qırıcısının ekipajının xilas edilməsi əməliyyatında mühüm rol oynayıb.
Bununla yanaşı, ekspertlər HH-60W parkının Sakit okean regionunda mümkün müharibənin reallıqlarına tam uyğun olmadığını və daha səmərəli alternativin axtarılmadığını qeyd edirlər.
