12
İran ABŞ ilə atəşkəs razılaşması əldə etmək məqsədilə danışıqlara hazır olduğunu bəyan edib.
Army.az xəbər verir ki, Vaşinqton və Tehran arasında diplomatik təmaslar hələ də davam edir.
Bu barədə Ağ Evin mətbuat katibi Kerolin Livitt keçirdiyi brifinq zamanı açıqlama verib.
Livitt bildirib ki, bu məsələ ilə bağlı təxminən bir saat əvvəl ABŞ Prezidenti Donald Trampla fikir mübadiləsi aparıb. Onun sözlərinə görə, İran tərəfi ABŞ ilə danışıqları davam etdirmək və razılıq əldə etmək niyyətindədir. Ağ Ev rəsmisi əlavə edib ki, buna səbəb ABŞ ordusunun İrana endirdiyi ciddi və sarsıdıcı zərbələrdir.
