Rusiya xarici işlər nazirinin müavini Aleksandr Qruşko bəyan edib ki, NATO ölkələrinin son illərdə atdığı addımlar və müəyyən etdiyi strateji prioritetlər Moskvanın narahatlığına səbəb olur.
Army.az xəbər verir ki, bu barədə Rusiya mediası məlumat yayıb.
Onun sözlərinə görə, Alyans və Avropa İttifaqı ölkələrinin həyata keçirdiyi siyasət göstərir ki, Qərb Rusiyanın beynəlxalq mövqelərini zəiflətməyə və ona strateji məğlubiyyət yaşatmağa çalışır:
“Mövcud tendensiyaların təhlili NATO-nun uzunmüddətli perspektivdə, xüsusilə də 2030-cu illərə doğru Rusiya ilə mümkün hərbi qarşıdurma ssenarisinə hazırlaşdığı qənaətini formalaşdırır. Moskva Qərb ölkələrinin hərbi və siyasi fəaliyyətini diqqətlə izləyir və bu addımları öz təhlükəsizliyi baxımından qiymətləndirir”.
