“İl-114 Uzaq Şərq üçün həyati əhəmiyyət daşıyır”.
Army.az xəbər verir ki, bunu “Rostex”in rəhbəri Sergey Çemezov deyib.
O, bildirib ki, İl-114-300 turbovintli təyyarəsi Sibir və Uzaq Şərq üçün alternativsizdir. Bununla belə, o etiraf edib ki, hazırda daşıyıcıların tələbləri ilə müqayisədə təsdiqlənmiş sifarişlərin sayı xeyli azdır.
Onun sözlərinə görə, hazırda İl-114-300 təyyarələrinin cəmi üç ədədinin alınmasına dair müqavilə imzalanıb. Bununla yanaşı, Çemezov yaxın vaxtlarda yeni sifarişçilərin ortaya çıxacağına ümid etdiyini bildirib
Ümumilikdə bu təyyarəyə marağı çoxlarından eşidirik. Bunlar arasında İrkutsk, Yakutsk və həmçinin ‘Avrora’ aviaşirkəti də var. Çünki bütün Uzaq Şərq və Sibir üçün bu təyyarəyə çox böyük ehtiyac var və bu gün onun əvəzini tapmaq demək olar ki, mümkün deyil”, – deyə Çemezov bildirib.
