21
Ukrayna Prezidenti Volodimir Zelenski Rusiya-Ukrayna müharibəsinin taleyi baxımından sentyabr ayının mühüm dönüş nöqtəsinə çevrilə biləcəyini açıqlayıb.
Army.az xəbər verir ki, Zelenski bu barədə yayımladığı videomüraciətdə danışaraq, hazırda ABŞ administrasiyasının apardığı diplomatik fəaliyyətin nəticələrini gözlədiklərini bildirib.
Ukrayna liderinin sözlərinə görə, qarşıdakı ay münaqişənin nizamlanması istiqamətində yeni imkanlar yarada bilər.
“Sentyabr çox şeyi dəyişə bilər”, – deyə Zelenski vurğulayıb.
Qeyd edək ki, son günlər Rusiya-Ukrayna müharibəsinin dayandırılması ilə bağlı diplomatik təmasların yenidən canlanması ehtimalı gündəmdədir. Ukrayna rəsmiləri sentyabrda danışıqların bərpasının mümkün ola biləcəyini də bildiriblər.
