Trampdan İranın atəşkəs təklifinə cavab: “Bu, kifayət deyil”

ABŞ Prezidenti Donald Tramp İranın atəşkəs təşəbbüsü çərçivəsində Hörmüz boğazının açılması ilə bağlı təklifini qəbul etmədiyini bildirib.

Army.az xəbər verir ki, Tramp bu barədə “Time” jurnalına müsahibəsində danışıb.

ABŞ liderindən Tehranla atəşkəs təklifinin niyə rədd edildiyi soruşulub. Tramp cavabında İran tərəfinin Hörmüz boğazının açılmasını təklif etdiyini, lakin bunun Vaşinqton üçün kifayət etmədiyini deyib.

“Onlar Hörmüz boğazını açmağı təklif etdilər. Amma bu, kifayət deyil. Bu təkliflərin bir hissəsini görmüsünüz, bunlar o qədər də yaxşı deyil”, – Tramp bildirib.