11
Ukrayna Silahlı Qüvvələrinin Pilotsuz Sistemlər Qüvvələri mayın 29-dan 30-na keçən gecə Rusiyanın Taqanroq şəhərində yerləşən hərbi aerodroma hücum təşkil etdiyini açıqlayıb.
Army.az xəbər verir ki, Ukrayna tərəfinin məlumatına görə, əməliyyat nəticəsində aerodromda yerləşən iki “Tu-142” tipli dəniz patrul təyyarəsi hədəfə alınıb.
Yayılan videogörüntülərdə pilotsuz uçuş aparatlarının zərbəsindən sonra təyyarələrin alışaraq yandığı görünür.
Açıqlamada bildirilib ki, hücum zamanı Ukraynanın “Fire Point” şirkəti tərəfindən istehsal edilən FP-1 və ya FP-2 tipli kamikadze pilotsuz uçuş aparatlarından istifadə olunub.Rusiya tərəfi isə hələlik bu məlumatla bağlı rəsmi açıqlama verməyib.
