Zaxarova Ermənistanla münasibətlərdən danışdı : Yalnız bu kömək ola bilər

Rusiya Xarici İşlər Nazirliyinin sözçüsü Mariya Zaxarova Ermənistanla Rusiya arasında münasibətlərin inkişafında gənc nəslin xüsusi rol oynaya biləcəyini bildirib.

Army.az xəbər verir ki, bu barədə Ermənistan mediası məlumat yayıb.

Onun sözlərinə görə, iki ölkə arasındakı əlaqələrin potensialı rəsmi sənədlərdə müəyyənləşdirilən çərçivədən daha genişdir. Zaxarova bunu xalqlar arasında əsrlər boyu formalaşmış tarixi bağlar, yaxın mədəni əlaqələr və ortaq ənənəvi dəyərlərlə əlaqələndirib.

Zaxarova hesab edir ki, mövcud tarixi və mədəni əlaqələr fonunda gənclərin iştirakı Rusiya-Ermənistan münasibətlərinin gələcəkdə daha da möhkəmləndirilməsinə əhəmiyyətli təsir göstərə bilər.