12
ABŞ Prezidenti Donald Tramp ölkəyə idxal olunan müəyyən kateqoriyadan olan dronlara 100 faizlik gömrük rüsumunun tətbiqinə qərar verib.
Army.az xəbər verir ki, bu barədə “The New York Times” məlumat yayıb.
Bildirilib ki, yeni tarif sentyabrın 3-dən qüvvəyə minib və Vaşinqtonun əsasən Çin istehsalı olan pilotsuz uçuş aparatlarının ABŞ bazarına daxil olmasını məhdudlaşdırmaq siyasətinin növbəti mərhələsidir.
Yeni rüsum çəkisi 25 kiloqramdan çox olan və ya termal görüntüləmə imkanına malik dronlara şamil edilir. Bu kateqoriyaya aid pilotsuz aparatların istifadəsi üçün nəzərdə tutulan dok-stansiyalar da tarifə daxil edilib.
