Putin-Tramp telefon danışığında hansı məsələlər müzakirə edilib?

Rusiya Prezidenti Vladimir Putinlə ABŞ Prezidenti Donald Tramp arasında keçirilən telefon danışığının əsas mövzusu Ukrayna münaqişəsinin həlli olub. Bu məsələ müzakirələrdə Amerika tərəfinin təşəbbüsü ilə ön plana çıxıb.

Army.az xəbər verir ki, bu barədə Rusiya Prezidentinin mətbuat katibi Dmitri Peskov jurnalistlərə açıqlamasında məlumat verib.

Peskovun sözlərinə görə, söhbət zamanı Putin Rusiya hərbçiləri qarşısında qoyulan vəzifələrin, eləcə də Moskvanın “xüsusi hərbi əməliyyat” adlandırdığı hərbi fəaliyyətin məqsədlərinin dəyişmədiyini qeyd edib.