Pezeşkian: “İran heç bir ölkəyə hücum etmək niyyətində deyil”

İran Prezidenti Məsud Pezeşkian ölkəsinin son iki əsrdə heç bir dövlətə hücum etmədiyini və gələcəkdə də belə bir niyyətinin olmadığını bildirib.

Army.az xəbər verir ki, bu barədə “Fars” agentliyi məlumat yayıb.

O, müdafiə naziri vəzifəsinə namizəd Mehrdad Əxlaqi Kitabçinin səlahiyyətlərinin müzakirə olunduğu iclasda çıxış edib:

“İran mümkün hücumlara qarşı sonadək müqavimət göstərəcək və heç kimə ölkənin ərazisinə təcavüz etməyə imkan verməyəcək.

Ölkənin müdafiə gücü yalnız raketlərdən ibarət deyil. Xalqın birliyi və həmrəyliyi də İranın müdafiə qabiliyyətinin əsas dayaqlarındandır”.