Tbilisidə yaşayış binasında baş verən partlayış nəticəsində 6 nəfərin həlak olması ilə əlaqədar noyabrın 22-də Gürcüstanda ümummilli matəm elan olunacaq.
Army.az xəbər verir ki, bununla bağlı Gürcüstan hökuməti müvafiq qərar qəbul edib.
Qərara uyğun olaraq, matəm günü ölkə ərazisində dövlət bayraqları yarıya qədər endiriləcək. Bu addım partlayış qurbanlarının xatirəsinin yad edilməsi məqsədi daşıyır.
Xatırladaq ki, faciəvi hadisə nəticəsində daha 4 nəfər xəsarət alıb. Dağıntılar altında qalan 7 nəfərdən yalnız 3 yaşlı uşağın sağ çıxarılması mümkün olub.
Həyatını itirənlər arasında 3 qadın, 1 kişi və 2 uşaq var.
