ABŞ: “Məqsədlərə çatdıq, müharibə bitə bilər”

ABŞ administrasiyası İrana qarşı həyata keçirilən hərbi əməliyyatların məqsədlərinin yerinə yetirildiyini və artıq münaqişənin başa çatdırılması mərhələsinə keçilə biləcəyini düşünür.

Army.az xəbər verir ki, bu barədə ABŞ vitse-prezidenti Cey Di Vens məlumat yayıb.

Onun sözlərinə görə, ABŞ artıq öz hədəflərinə çatıb. Münaqişənin genişmiqyaslı və uğurlu danışıqlar yolu ilə yekunlaşdırılmasına üstünlük verir.

Vens qeyd edib ki, hazırda danışıqların yenidən başlaması məsələsində təşəbbüs Tehranın əlindədir. Bununla belə, o xəbərdarlıq edib ki, əgər İran Hörmüz boğazını açmasa, dialoqun mahiyyəti köklü şəkildə dəyişə bilər.