Belarusda modernləşdirilmiş T-72B2 tankı pilotsuz aparatlara qarşı əlavə qoruma ilə təchiz olunub.
Army.az xəbər verir ki, bu barədə Telegram kanallarında məlumat yayılıb.
Yayılan fotolarda Belarus Silahlı Qüvvələrinin mexanikləşdirilmiş briqadasının tank bölməsinə verilən T-72B2 modelinin texniki xüsusiyyətləri əks olunub. Xüsusilə, tankın ön alt hissəsini qoruyan rezin-parça örtük (“fartuk”) quraşdırılıb.
Bundan əlavə, bu örtük üzərində bir neçə dinamik müdafiə elementi yerləşdirilib ki, bunlar kamikadze dronlardan və tank əleyhinə raketlərdən qorunmanı gücləndirir.
Tankın korpusu və qülləsinin böyük hissəsi də yerli istehsal olan dinamik zirehlə örtülüb. Həmçinin maşın müasir nişangah sistemləri və mühərrik söndürülmüş vəziyyətdə belə sistemlərin işləməsinə imkan verən müstəqil enerji qurğusu ilə təchiz edilib.
Bildirilir ki, T-72B2 tanklarının ilk partiyası aprelin sonlarında Belarus ordusuna təhvil verilib.
