İrandan ABŞ-a sərt xəbərdarlıq: “Qoşun çıxarsanız, cəhənnəmə düşəcəksiniz”

İran Silahlı Qüvvələrinin baş komandanının müavini, kontr-admiral Həbibullah Səyyari ABŞ-a sərt xəbərdarlıq edib.

Army.az xəbər verir ki, bu barədə IRNA agentliyi məlumat yayıb.

Səyyarinin sözlərinə görə, ABŞ hərbçiləri İran ərazisinə çıxarma əməliyyatı həyata keçirməyə cəhd göstərsələr, bunun ağır nəticələri ilə üzləşəcəklər.

“İran Silahlı Qüvvələri xalqla çiyin-çiyinə dayanaraq kifayət qədər güclü və hazırlıqlıdır. Düşmən yaxşı bilir ki, İran sahillərinə qoşun çıxarmağa cəhd etsə, elə bir cəhənnəmə düşəcək ki, oradan xilas ola bilməyəcək”, – deyə kontr-admiral bildirib.