Litvada ilkin məcburi hərbi xidmət keçmək istəyən gənclərin sayı bu il əvvəlki illərlə müqayisədə ən yüksək göstəriciyə çatıb. Müraciət edənlərin ümumi sayı 8100 nəfəri keçib.
Army.az xəbər verir ki“Delfi” nəşrinin məlumatına görə, Litva Silahlı Qüvvələri 4400-dən çox gəncin çağırış siyahıları açıqlanmamışdan əvvəl öz istəyi ilə hərbi xidmətə başlamaq üçün müraciət etdiyini bildirib.
Bundan əlavə, təxminən 3700 nəfər çağırış siyahıları elan olunduqdan sonra xidmətə üstünlük əsasında qoşulmaq niyyətini açıqlayıb.
Hərbi Xidmət və Çağırış Xidmətinin rəhbəri Arunas Balçyunas qeyd edib ki, könüllü xidmətə marağın artması gənclərin ölkənin müdafiəsində iştirak etmək istəyinin gücləndiyini və milli təhlükəsizlik məsələlərinə diqqətin artdığını göstərir.
