Rubio: İranın böhranının səbəbi hakimiyyətin siyasətidir

ABŞ dövlət katibi Marko Rubio bildirib ki, İran zəngin təbii və iqtisadi resurslara malik olsa da, ölkənin hazırkı rəhbərliyinin siyasəti onu dərin böhranla üz-üzə qoyub.

Army.az xəbər verir ki, Rubio bu fikirləri jurnalistlərə açıqlaması zamanı səsləndirib.

Onun sözlərinə görə, İranın mövcud vəziyyətə düşməsinin əsas səbəblərindən biri hakimiyyətin maliyyə siyasətidir. ABŞ dövlət katibi iddia edib ki, sanksiyaların yumşaldılması və ya neft ixracından əldə olunan vəsaitlərin böyük hissəsi ölkənin daxili inkişafına deyil, Hizbullah və HƏMAS kimi qruplara yönəldilir.